ارخم حاجة فى الدنيا لما تتعرض لاسئلة زىدى

رخــــامـــة

!!!!

فيه أسئلة بديهية مالهاش اي لزمة في الدنيا
بنتعرّض ليها كل يوم من كل الناس
خلـونـــا نشــوف أمثلة

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟
(( أظن ده مش وضع الرقص !!! واضح ان انا هنام ))

لا يا حبيبى بعمل بروفة مشهد نوم من مسرحيتى الجديدة الى اسمها"حسبى الله ونعم الوكيل"

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟
(( لا لسه ))

العتب مش عليك يا حبيبى العتب على الكبار الى جوة الى ربوك اساسا

والعكس
: انت لابس هدومك و متأنتك و على سنجة عشرة وريحة البارفان واصله لاخر
الشارع .. وخلاص بتفتح باب الشقة,, يجي حد من أهلك وينادي بصوت عالي : انت
خااااارج ولاّ اييييييييييه
(( !!! لاء دانا لسه راجع ))

لا دانا لابسة ومتشيكة علشان انده على البواب
علشان المية قاطعة
أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟
(( لا.. العربية واحشاني ))

لالالالا انا رايح اسكندرية اصل بحب اشم الهوا الساعة سبعة الصبح هناك

مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟
(( لا.. بتفرّج عليه ))

لا يا ماما دا تمرين الكوتش قايلى علية علشان اقوى عقل وطراطيف صوابعى

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟
(( تقوم رامي الكتاب و تقوله لااااااااء ))

لا ابدا انا كنت بشوف هاعرف اكتب الحروف الابجدية ولا لاْ انت عارف مبيوظفوش اى حد دلوقتى غير لما يكون معاه الحروف الابجدية

ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟
(( لاء.. هفرطها و أسلقها ))

لا بتعلم العد انت عارف بردوا الوظايف لازم يكون معايا الارقام من واحد لعشرة على الاقل

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟
(( لاء.. طالبها اخنق على نفسي ))

لا طالبها علشان خالتى الى توفت من خمس سنين

أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير(( أكيد يعني مش هيقولهم البقاء لله ))

لا هقولهم عيد سعيد
رخامة برخامة بقى

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد
بيبقى زيارات الأهل و الصحاب و تخرجوا تشوفوا مظاهر العيد في الشوارع و
تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين
(( سبتيله ايه يقوله يارخمة ؟ ))

طب مانتى شاطرة وحفظة كويس اهوة

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟
(( يعني أساسي الواد لسه ما طلعلوش عرق الندالة علشان يقول لأ ))
لا وحياتك انا مثلا طلعلى عرق الندالة دا فى سن مبكر جدا
وافتكر انى اول ما فتحت عنيا على الدنيا قلت لماما
متغيرى الراجل دا
وقولت لبابا
انت مستحمل الست دى ازاى

ياريت يا جماعة كل واحد يدخل يقول مواقف زي كدة حصلت معاة

يسلمو يا عسل على الموضوع التحفه Smile

اسعدنى مرورك ثانكس

هههههههههههههههه
تسلم ايدك

شكرا على الرد المميز

ميرسى ع المتابعه

ميرسي
نستنى منك المزيد